ການຄຸ້ມຄອງແຫຼ່ງນໍ້າໃນຕົວເມືອງດ້ວຍວິທີການແບບບໍ່ລວມສູນ ໃນອາຊີຕະເວັນອອກສຽງໃຕ້

ການນໍາເອົາເປົ້າໝາຍການພັດທະນາແບບຍືນຍົງ (SDGs) ແລະ ວາລະການພັດທະນາຕົວເມືອງສະບັບໃໝ່ ລົງໄປຈັດຕັ້ງປະຕິບັດ ຂັ້ນຊຸມຊົນ

ບັນດາຕົວເມືອງຢູ່ໃນພາກພື້ນອາຊີຕາເວັນອອກສຽງໃຕ້ ແມ່ນປະສົບກັບສິ່ງທ້າທາຍໃນການຊອກຫາວິທີທາງໃໝ່ໆ ເພື່ອສ້າງຄວາມເຂັ້ມແຂງຂອງຕົນເອງໃນການປັບຕົວ, ການຮວບຮວມ ແລະ ສ້າງຄວາມໝັ້ນຄົງຂອງແຫຼ່ງນໍ້າ. ໃນເທດສະບານຂອງເມືອງ, ມີຫຼາຍສິ່ງທ້າທາຍທີ່ສໍາຄັນຕໍ່ກັບການຄຸ້ມຄອງນໍ້າຕົວເມືອງແບບຮອບດ້ານ ທີ່ສະທ້ອນ ເປັນຄຸນລັກຊະນະສະເພາະຫຼາຍດ້ານ ແລະ ທ້າທາຍຕໍ່ການພັດທະນາຕົວເມືອງ. ແນວທາງການພັດທະນາຕົວເມືອງ ກໍ່ໃຫ້ເກີດມີຊ່ອງວ່າງທີ່ກ່ຽວຂ້ອງກັບການສະໜອງນໍ້າ, ເຊິ່ງສາມາດເຫັນໄດ້ຢ່າງຊັດເຈນຈາກການບໍລິການຂອງເທດສະບານ ແລະ ການນໍາໃຊ້ຊັບພະຍາກອນທໍາມະຊາດຫຼາຍເກີນໄປ. ມົນລະພິດໃນແຫຼ່ງນໍ້າໃຕ້ດິນ ແມ່ນເກີດຈາກບັນຫາຕ່າງໆເຊັ່ນ ການປ່ຽນແປງຂອງດິນຟ້າອາກາດ.

ເປົ້າໝາຍຂອງໂຄງການ – ແມ່ນຫຍັງທີ່ພວກເຮົາຕ້ອງການ?

ເປົ້າໝາຍຂອງໂຄງການຄຸ້ມຄອງນໍ້າຕົວເມືອງແບບບໍ່ລວມສູນ “PolyUrbanWaters” ເພື່ອສ້າງຄວາມຮູ້ທາງດ້ານວິທະຍາສາດ ແລະ ການພັດທະນາບັນດາເຄື່ອງມືຈັດຕັ້ງປະຕິບັດຕ່າງໆທີ່ກ່ຽວຂ້ອງ ເພື່ອຊ່ວຍຕົວເມືອງທີ່ເຕີບໂຕຢ່າງໄວວາ ໃນອາຊິຕະເວັນອອກສຽງໃຕ້ ໃຫ້ສາມາດຈັດຕັ້ງປະຕິບັດ ແນວທາງການພັດທະນາຕົວເມືອງແບບບໍ່ລວມສູນ ແລະ ເຊື່ອມສານການຄຸ້ມຄອງນໍ້າແບບຮອບດ້ານ.

ຖ້າຈະປະຕິບັດໄດ້, ຈະຕ້ອງໄດ້ດຶງເອົາ “ນໍ້າ” ແຍກອອກເປັນແຕ່ລະພາກສ່ວນສະເພາະ ແລ້ວເໜັ້ນໜັກໃຫ້ມີການປະສານສົມທົບຍ່າງຮອບດ້ານ, ແລະ ຖືເປັນວິທີການແກ້ໄຂບັນຫາທີ່ສໍາຄັນໃນການພັດທະນາຕົວເມືອງ.
ຖ້າຈະປະຕິບັດໄດ້, ການປະກອບສ່ວນທີ່ເປັນຮູບປະທໍາ ໃນການຈັດຕັ້ງປະຕິບັດຕາມເປົ້າໝາຍການພັດທະນາແບບຍືນຍົງ (SDGs) ແລະ ວາລະການພັດທະນາຕົວເມືອງສະບັບໃໝ່: “ສົ່ງເສີມໃຫ້ມີການຮ່ວມມື ແລະ ການສະໜັບສະໜູນເຊິ່ງກັນ ແລະ ກັນ ລະຫວ່າງຕົວເມືອງທີ່ມີຂະໜາດຕ່າງກັນ ແລະ ການຕັ້ງຖິ່ນຖານຂອງມະນຸດ, ສ້າງຄວາມເຂັ້ມແຂງດ້ານພາລະບົດບາດຂອງຕົວເມືອງນ້ອຍ, ກາງ ແລະ ໃຫຍ່, … ໃຫ້ສາມາດເຂົ້າເຖິງທີ່ຢູ່ອາໃສ, ພື້ນຖານໂຄງລ່າງ ແລະ ການບໍລິການທີ່ມີຄວາມຍືນຍົງ, ລາຄາບໍ່ແພງ, ພຽງພໍ, ໝັ້ນຄົງທົນທານ ແລະ ມີຄວາມປອດໄພ” (ວາລະການພັດທະນາຕົວເມືອງສະບັບໃໝ່ ຂໍ້ທີ 95).

ເປົ້າໝາຍລວມ ຂອງໂຄງການ (2018-2025): ແມ່ນນໍາເອົາວິທີການພັດທະນາຕົວເມືອງແບບບໍ່ລວມສູນ ແລະ ເຊື່ອມສານການຄຸ້ມຄອງແຫຼ່ງນໍ້າໃນຕົວເມືອງ ເພື່ອຮັບມືກັບການປ່ຽນແປງດ້ານນ້ຳ, ສຸຂາພິບານ, ແລະ ບັນຫາອື່ນໆທີ່ອາດຈະເກີດຂຶ້ນຢູ່ຕົວເມືອງໃນອາຊີຕະເວັນອອກສ່ຽງໃຕ້, ເຊິ່ງເປັນການປະກອບ ສ່ວນ ເພື່ອບັນລຸຕາມວາລະແຫ່ງຊາດ ແລະ ທົ່ວໂລກ.

>ລາຍລະອຽດ ແລະ ຄວາມຄືບໜ້າຂອງໂຄງການ ສາມາດເຂົ້າເບິ່ງໄດ້ທີ່ ເວັບໄຊ໌ ສະບັບພາສາອັງກິດ.

ຮູບແບບຂອງຂະບວນການປ່ຽນແປງ ໃນຕົວເມືອງທົດລອງ

ສາມໂຄງການທົດລອງ (“Living Labs”) ແມ່ນຈະດໍາເນີນຢູ່ໃນສາມປະເທດ ໂດຍການສ້າງຂະບວນການປ່ຽນແປງໃຫ້ເປັນຮູບປະທໍາຂັ້ນທ້ອງຖິ່ນ, ແລະ ເປັນຕົວແທນໃຫ້ແກ່ເທດສະບານທີ່ມີຄວາມສົນໃຈ.

ສະເລມານ, ອິນໂດເນເຊຍ

ກຣາເຈະ, ກໍາປູເຈຍ

ຊໍາເໜືອ, ລາວ

ບັນຫາການຄຸ້ມຄອງນໍ້າ ແມ່ນມີຄວາມສໍາຄັນຫຼາຍ ແລະ ສະທ້ອນໃຫ້ເຫັນເຖິງສິ່ງທ້າທາຍຫຼາຍຢ່າງ ໃນພື້ນທີ່ຕົວເມືອງເຫຼົ່ານີ້

(ເບື້ອງຕົ້ນ) ແນວທາງຍຸດທະສາດ ຈະຖືກສ້າງຂຶ້ນອີງຕາມແຜນກິດຈະກໍາ ຂອງແຕ່ລະຕົວເມືອງ. ພື້ນທີ່ ເປົ້າໝາຍມີປະຊາກອນປະມານ 3,000 – 15,000 ຄົນ (ຕົວຢ່າງ., ພື້ນທີ່ໃກ້ຄຽງ, ພື້ນທີ່ອ້ອມແອ້ມຕົວເມືອງ), ທີ່ອະນຸຍາດໃຫ້ຄົ້ນຄ້ວາ ແລະ ພັດທະນາບັນດາເຄື່ອງມືທີ່ສາມາດນຳໄປໃຊ້ໃນສະ ຖານະການທີ່ຄ້າຍຄືກັນໄດ້. ຜົນໄດ້ຮັບ ແລະ ຈາກໂຄງການທົດລອງ ແມ່ນຈະນໍາມາເຕີມເຕັມ ເຂົ້າໃນອົງປະກອບການເຮັດວຽກ ໃນລະດັບຊາດ ແລະ ພາກພື້ນ.

ຈາກທັດສະນະດ້ານການເມືອງ “ບັນດາຮູບແບບໂຄງການ” ເຫຼົ່ານີ້ ແມ່ນໄດ້ຮັບການສະໜັບສະໜູນຈາກອໍານາດການປົກຄອງທີ່ກ່ຽວຂ້ອງ, ພະແນກໂຍທາທິການ ແລະ ຂົນສົ່ງ ແຂວງຫົວພັນ ປະເທດລາວ, ຫ້ອງວ່າການປົກຄອງແຂວງກຣາເຈະ/ກໍາປູເຈຍ ແລະ ກະຊວງພັດທະນາພື້ນຖານໂຄງລ່າງ ອິນໂດເນເຊຍ.

> ຂໍ້ມູນເພີ່ມເຕີມກ່ຽວກັບ ຕົວເມືອງທົດລອງ ສາມາດ ເຂົ້າເບິ່ງໄດ້ທີ່ ເວັບໄຊ໌ ສະບັບພາສາອັງກິດ

ຄາດຄະເນຜົນໄດ້ຮັບ

ຄວາມຮູ້ທາງວິທະຍາສາດ

ການສ້າງຄວາມຮູ້ທາງວິທະຍາສາດແບບຮອບດ້ານ ກ່ຽວກັບຕົວຊີ້ວັດທີ່ຕິດພັນກັບການພັດທະນານໍ້າໃນຕົວເມືອງແບບບໍ່ລວມສູນ ເພື່ອເປັນແນວທາງໃນການປ່ຽນແປງໄປສູ່ຄວາມຍືນຍົງ ໃນລະດັບເທດສະບານ ແລະ ທ້ອງຖິ່ນ

ເຄື່ອງມືສໍາລັບການວາງແຜນ

ການພັດທະນາເຄື່ອງມື ແລະ ອຸປະກອນ ທີ່ສາມາດຊ່ວຍໃຫ້ຕົວເມືອງ ແລະ ຜູ້ຕັດສິນບັນຫາ ສາມາດສ້າງຍຸດທະສາດຜັງເມືອງ ສໍາລັບການພັດທະນາຕົວເມືອງແບບບໍ່ລວມສູນ

ກິນຈະກໍາທົດລອງ

ການອອກແບບ ແລະ ຈັດຕັ້ງປະຕິບັດ ກິດຈະກໍາທົດລອງ ຈະຊ່ວຍສະໜັບສະໜູນຕົວເມືອງ ຊອກຫາວິທີການດຳເນີນງານທີ່ມີສ່ວນຮ່ວມຈາກຫຼາຍພາກສ່ວນ ເພື່ອເປັນແບບຢ່າງ ສໍາລັບການອອບແບບການພັດທະນານ້ຳຕົວເມືອງ ແບບຮອບດ້ານ.

ຮູບແບບໃໝ່

ຮູບແບບດ້ານແນວຄວາມຄິດ, ໃຈຄວາມສໍາຄັນ, ແລະ ຂໍ້ກຳນົດວິທີການຈັດຕັ້ງປະຕິບັດ “ການສ້າງຕົວເມືອງທີ່ໜ້າຢູ່, ຮັບມືຕໍ່ການປ່ຽນແປງຕໍ່ສະພາບດິນຟ້າອາກາດ, ການຄຸ້ມຄອງນ້ຳຕົວເມືອງແບບຮອບດ້ານ ດ້ວຍວິທີການແບບບໍ່ລວມສູນ ຢູ່ໃນຂົງເຂດອາຊີຕະເວັນອອກສຽງໃຕ້”

ການອະບິບາຍທີ່ຈະແຈ້ງຂຶ້ນ

ຄຳອະທິບາຍຈາກໜ່ວຍງານດ້ານວິຊາການທີ່ເຂັ້ມແຂງ, ການເມືອງ, ແບບມືອາຊີບ ແລະ ພາກສ່ວນທີ່ກ່ຽວຂ້ອງ ຢູ່ພາກພື້ນສຳລັບ “ຮູບແບບການພັດທະນາແບບບໍ່ລວມສູນ, ຢ່າງຮອບດ້ານ ເຂົ້າໃນການພັດທະນາຕົວເມືອງ ແລະ ເຊື່ອມສານການຄຸ້ມຄອງນໍ້າໃນຕົວເມືອງ”

ຄວາມອາດສາມາດທີ່ເພີ່ມຂຶ້ນ

ການພັດທະນາຂີດຄວາມສາມາດດ້ານຍຸດທະສາດແບບຮອບດ້ານ ທີ່ຊ່ວຍເຮັດໃຫ້ມີການແລກປ່ຽນກັນເຊິ່ງ ແລະ ກັນ ໃນຮູບແບບສາຍຂວາງ (ບັນດາຂະແໜງການຕ່າງໆທີ່ກ່ຽວຂ້ອງໃນເທດສະບານ) ແລະ ເຊັ່ນດຽວກັນໃນຮູບແບບສາຍຕັ້ງ (ຈາກທ້ອງຖິ່ນຫາເທດສະບານ ຈົນເຖິງ ລັດຖະບານສູນກາງ)

ການແລກປ່ຽນດ້ານວິຊາການ

ສ້າງຮູບແບບການພັດທະນາບຸກຄະລາກອນໃນດ້ານວິຊາການ ໂດຍຮູບແບບການປະຕິບັດຕົວຈິງ “ການພັດທະນາຕົວເມືອງ ແລະ ເຊື່ອມສານການຄຸ້ມຄອງນໍ້າໃນຕົວເມືອງດ້ວຍຮູບແບບບໍ່ລວມສູນ” ເຊິ່ງເປັັນການຮ່ວມມືລະຫວ່າງບັນດາສະຖາບັນ ໃນອາຊີຕະເວັນອອກສຽງໃຕ້ ແລະ ເຢຍລະມັນ

ເຄືອຂ່າຍການຄົ້ນຄວ້າໂດຍຮູບການປະຕິບັດຕົວຈິງ – ຄູ່ຮ່ວມມືຂອງໂຄງການ

ໂຄງການນີ້ແມ່ນຈັດຕັ້ງປະຕິບັດໂດຍຮູບການຄົ້ນຄວ້າຕົວຈິງ ຂອງເຄືອຂ່າຍບັນດາສະຖາບັນ, ເທດສະບານ, ໝ່ວຍງານຈາກລັດຖະບານທັງທ້ອງຖິ່ນ ແລະ ສູນກາງ, ອົງການຈັດຕັ້ງສາກົນ ແລະ ພາກເອກະຊົນ ຈາກ ອິນໂດເນເຊຍ, ກໍາປູເຈຍ, ລາວ, ໄທ, ຫວຽດນາມ ແລະ ເຢຍລະມັນ.